yookee 1. Xoolo addimo ka xirid. 2. Xoolo geed ku qabbirid.
yooko Wax soo baxsan ama kor u likaysan.
yool 1. Degganaansho la'aan nafley ka muuqata. 2. (-lal, m.l) Sal; gun; madhaafaan. Maalintii y.ka: maalinta qiyamaaha. 3. (-lal, m.l) Goob; madal; garoonka gudahiisa meesha kubbadda cagta iwm lagu dheelo.
yoolaal Si macno la'aan ah meel u istaagid.
yoolaalid eeg yoolaal.
yoolgaar1 ld yoolgaarid. yoolgaar2 Ka y.: arrin iwm ka gungaarid. yoolgaarid eeg yoolgaar². ld yoolgaar¹.
yoolyool1 1. Cayaaro dhawr ah oo ay dhallinyaradu dheelaan habeenkii ama maa-lintii waqtigana ku gaabsadaan, waxaana ka mid ah ciyaar labo goobood (yool) leh oo isaseemid (istaabasho) iyo orod ku badan. 2. ld yoolyoolid. yoolyool2 Xoolo ama dad wax xasillooni darro ka muuqato no-qosho. yoolyoolid eeg yoolyool². ld yoolyool¹ (2).
yoome (muus.) Jaad ka mid ah Durban-nada.
yoomid eeg yoon². ld yulqamid.
yoon1 Hugun; bulaan; qablan; yeer. ld yulqan¹, yulul. yoon2 Dad, xoolo ama nafley kale qaylo samayn; wada hugmid; bulaamid. ld yulqan². yoonge Dheri weyn oo hilbaha geela lagu kariyo.
yoos Timo iska baxa oo aan la ilaalin; yoofil; baabbul.
yoose Mingiska la tunto qaybihiisa mid ka mid ah.
yooyootamid eeg yooyootan². ld yooyootan¹ (2).
yooyootan1 1. Cayaar sii baabba'aysa oo wiilal iyo gabdho laysu caayo, cay kaftan ah oo aan laga caroon: mirihiisu, suugaan ahaanta aad bay u fiicanyihiin haseyeeshee cayda xun oo uu ku dhisanyahay baa dishay. 2. ld yooyootamid. yooyootan2 Wiil iyo gabar cayaar (kaftan) isaga horimaansho. yoxoob1 1. Fadhi ama taagnaan iyadoo oogada la goda hayo. 2. Lo'da iwm kolka inta roob qabto ay docda roobku ka yimid maahee docda kale wada aaddo, iyadoo is wada qooxaysa. 3. Fadhi yuurur ah. 4. ld yoxoobid. yoxoob2 Si kadaloob ah u fariisasho. yoxoobid eeg yoxoob². ld yaxoobid, yoxoob¹ (4), yoxoobsasho.
yoxoobsasho ld yoxoobid.
yoxoobso ld yoxoob².
yu'ad ld yu'asho.
yu'asho eeg yu'o. ld yu'ad.
yu'o 1. Wax cawryid. 2. Wax habaarid.
yucub (bot.) Geed weyn oo laf adag oo alaabo wanaagsan laga qorto, sida koorta geela.
page : 10 of 12
<< < 5 6 7 8 9 10 11 12 >
