ciidan

(m.l)

1. Qof, cid hawl u qabto ijaarna ka qaata. 2. (-ammo, m.dh) Xoog abaabulan, hubeysan oo qoran u qaabbilsan difaaca dalka. 3. (e.d) C.amow!: hayaay!, waawareey!.

ciidan

(Fal Magudbe1 | Verb Intransitive1) (-dmay, -dantay; -dmi)

U c.: qof, cid u gargaarid.

Erey(o) la macne ah ereygan ama xiriir la leh ciidan ↴

aaladee [Fal Gudbe2 | Verb Transitive2] (-deeyay, -deysay)
1. Wax qalabeyn. 2. Wax qurxin. 3. Ciidan hubayn. 4. Cunto si ay caraf iyo dhadhan u yeelato geedo ku darid.

kaabul [m.l] (-llo, m.dh)
Qof ciidanka qalabka sida ka tirsan oo laba alif leh.

raacdo [Magac Dheddig Urur | Noun Feminine Collective]
1. Ciidan laga daba diro ciidan wax laayay ama dhacay.

raaciye [m.l]
1. Dad waddan ku wada nool inta maamulka haysa mooyaane inta kale oo la xukumo; shacbi. 2. Dad inta aan ciidan ahayn; rayid. ld raaciyad. raaciyad, rayid, shacbi

gaagurre [m.l]
Inan ku jira da'dii uu qaadan lahaa tababbar ciidan.

qaa'id [m.l] (-dyo/qaaddo, m.dh)
Qof ciidan hoggaamiya.

urur [m.l] (-rro, m.dh)
1. Seddax horimood oo ciidan ah. 2. Dad aragti siyaasadeed ku midoobay. 3. Tiro isku wax ka hadlaysa oo is buuxinaysa.

alifle [m.l] (-layaal, m.l/dh)
Qof ciidanka qalabka sida ka mid ah oo darajadiisu hal alif tahay.

anaakici [m.dh]
Koox ciidan ah oo si gaar ah u tababbaran oo cadow lala dagaallamayo dhulkiisa loo diro si uu u fadqalalleeyo.

askari [m.l]
(askar, m.dh; askaro, m.l) 1. Qof ciidanka dagaallama ka mid ah, welina aan xiddigo iyo alifyo midna la siin; dable. 2. Ciidan dagaallama guud ahaan (xiddigaba ha lahaado). ld askar, caskari.