taymas Qanjir ku yaal lafta shafka xaggeeda gudaha xigta, caruurta keliya ayaa leh, dadka waaweyn waa ka baaba'a, wuxuuna ka tirsanyahay qaybta difaaca jirka.
tayo (1) Sifo lagu garto dhalanka ama abuurta wax kale leeyihiin oo waxyaale kale kaga duwanyihiin; nooc; jaad.
tayo (2) Tan annagu aannu leenahay. ld taayada², taayo, tayada.
tayrotogsikoosis (daaw.) Xaaladda cudureed oo ay keento hormooniska qanjirka taayroodka oo si dheeraad ah oo aan caadi ahayn ugu jira dhiigga, taasu waxay keentaa wadne garaac dhakhso badan, dhidid, gariir, kacsanan maskaxda, cunno badni, culeyska oo is dhima, u dulqaadasho la'aan kulka.
tayruuf Geel meel fog u daaq tegid.
tayruufid eeg tayruuf.
tayse Barwaaqo badan.
teb Wax maqnaanshahooda dareemid. ld tow.
tebbed (1) Qori hoos irridda looga xiro; qataar.
tebbed (2) Weel saan xoolaad ka samaysan oo subagga iyo muqmadda lagu shubto oo leh af dhuuban iyo aabur.
tebbed (3) Irrid iwm tebbed (qataar) ku xirid.
tebbedid eeg tebbed³.
tebediin Kalluun weyn oo badda ku nool oo hilib macaan. ld tabadiin.
tebi 1. (f.g) Gudbin, gaarsiin. 2. (f.mg) Xoolihii rimi lahaa oo aan rimin ama beer waqtigii ay bixi lahayd aan la beerin; waqti ka boodid.
tebid eeg teb. ld towid.
tebin eeg tebi.
tebis (1) Aan rimin waqtigii ay rimi lahayd (xoolo).
tebis (2) Rimi waayid (xoolo).
tebisid eeg tebis².
tee (1) (kuwee, w) Magacuyaal weyddiimeed oo dhaddig, oo iskii u taagan, oo wax ama qof lagu hubsado. tus. “Waa tee midda hadlaysa imminka?”.
tee (2) Dibkabe weyddiimeed oo dheddig, oo wax ama qof lagu hubsado. Tus. “Fartee baa kula qurxoon?”.
teed (1) 1. Qoryo gaagaaban oo meel la dhisayo la sii saarsaaro. 2. Ood loo dhigo ugaar si ay u marto meel loogu talaggalay. 3. ld teedin.
teed (2) ld teedi.
teed (3) ld teeda2.
teeda (1) (kuweeda, w) Magacuyaal lahaansho oo dhaddig ah oo tilmaamaya wax iyadu (qofka saddexaad ee kelida ah ee dheddig) ay leedahay. eeg keeda. Tus. “Weyddii halka ay teeda uga tagtay”.
teeda (2) Dibkabe lahaansho oo tilmaamaya wax iyadu (qofka saddexaad ee kelida ah ee dheddig) ay leedahay. eeg keeda. Tus. “Gacanteeda ayay ku qortay warqaddan”. ld teed³.
teedi Ood, qoryo iwm xiriir isu dhigid. ld teed².
teedid ld teedin.
teedin eeg teedi. ld teed¹ (3), teedid.
teedsan Wax si taxan la isu daba dhigay ahaansho.
<< < 1426 1427 1428 1429 1430 1431 1432 1433 1434 1435 1436 > >>
