xayraan1 Xanaagid. xayraan2 Ku x.: cid aad ugu xanaaqid. xayrarriyaad Caad qiro yar oo marka roobku da'o badanaa cirka isku geyfa.
xayraxade Amuur weyn oo midabyo leh.
xayroobid eeg xayrow.
xayrow Xayr jeelasho.
xays 1. Roob jiilaalka ka da'a xeebaha bari. 2. Xilli roob ka da'o xeebaha bari.
xaysin Goobta ku da'a roobka xays.
xayuubi 1. Ka x.: wax qof dusha ka saarnaa xoog uga qaadid. 2. Ka x.: xil, derejo iwm qof ka qaadid.
xayuubin eeg xayuubi.
xayuubsasho eeg xayuubso. ld xayuub-si.
xayuubsi ld xayuubsasho.
xayuubso Ka x.: wax qof korka ka saarnaa xoog uga qaadasho.
xeeb1 Daliig dhul ah oo cammuud iyo sabbaax leh oo bad dhinaca ku haysa. xeeb2 (juqr.) Dhulka deriska la ah badda ama biyo kale oo weyn kuwaas oo mawjadahoodu ay si toos ah u saameeyaan. xeeb yar (xeebo yaryar, m.l) (jool.) Liidka dhulka xeebta ah ee la jeeda badaha ama harooyinka; badanaa waxaa la yirahdaa waa dhulka u dhexeeya xarriiqa u hooseeya mawjadda badda iyo ka u sarreeya ee ay soo gaari karaan mawjadaha baddu.
xeebad ld xeebasho.
xeebasho eeg xeebo. ld xeebad.
xeebo 1. U x.: wax u turid. 2. U x.: wax u xilasho.
xeegaan Xiriir is-tixgelin iyo qaddarin leh oo cid ka dhexeeya.
xeego 1. Jaadadka cawda mid ka mid ah mirihiisa. 2. Kabro.
xeel Tab iyo maaro wax lagu xalliyo. ld xeelad, xeelo, xiilo.
xeelad ld xeel.
xeeladayn ld xeelayn.
xeeladee ld xeelee.
xeelayn eeg xeelee. ld xeeladayn.
xeeldheer Ku x.: cid aqoon dheeraad ah wax u leh ahaansho.
xeeldheeraan eeg xeeldheer. ld xeel-dheeraansho, xeeldheeri.
xeeldheeraansho ld xeeldheeraan.
xeeldheere Qof aqoon iyo waaya-aragnimo dheeraad ah u leh qayb cilmiga ka mid ah.
page : 1546 of 1584
<< < 1541 1542 1543 1544 1545 1546 1547 1548 1549 1550 1551 > >>
