waa

Qaabnax: Qurub | Diirad, Particle | Focus

Macnaha:

1. Qurub lagu muujiyo waxa laga sheego yeelaha weerta. Tus. 'Cali waa yimid';'Ninkanu waa macallinka cusub ee dugsiga'.
2. 1. Wax helid la'aan. 2. La w.: yool aad tooganaysay riddadii. Garab la marid.
3. 1. Maalinta gelinkeeda hore billaawgiisa; subax; arooryo. 2. Xilli; waqti; jeer; goor.
4. (jool.)Mid ka mid ah qaybaha waaweyn ee taxanaha waqtiga jiyoolojiyeed (ee ka dambeeya kambiriyanka horreeyaha). Waaga, laf ahaantiisa waxaa loo kala aqoonsanyihiin saddex waa - aaliyo soyik, mesosoyik iyo saynsoyik, kuwaas oo ku fidsan ilaa 6 (lix) milyan sano ee la soo dhaafay.

goor

Qaabnax: Magac Dheddig ah | Feminine Noun

Macnaha:

1. 1. Waqti la yaqaan oo bilow iyo dhammaad leh; kol; xilli; waqti; ammin. 2. G.tiiba: isla waqtigii. 3. Goor ka goor ama ka goor ka goor: waqti ilaa waqti.

jeer

Qaabnax: Magac Lab ah | Masculine Noun

Macnaha:

1. 1. Goor; Waqti; Ammin. 2. J.ma: goorma?.
2. (c.nafl.) Naasley beri biyood ah, xoog leh, af ballaaran, aan dhogor lahayn, lugo gaagaaban oo ku nool webiyada Afrika.

shin

Qaabnax: Magac Lab ah | Masculine Noun

Macnaha:

1. 1. Waqti. 2. Sid.

ammin

Qaabnax: Magac Lab/Dheddig | Noun Masculine/Feminine

Macnaha:

1. Goor; waqti. ld immin.
2. (nax.) Qaab faleedyo gaar ah oo waafaqsan amminka falka la sameeynayo sida “timaaddo”, “tagto” iyo “joogto” iyadoo laga ambaqaadayo waqtiga la soo saarayo hawraarta.

xilli

Qaabnax: Magac Lab ah | Masculine Noun

Isrogrogga: (-iyo, m.dh)

Macnaha:

1. 1. Waqti; goor; ammin. 2. Nur.
2. (c.fal.) Xilliyo sannadeed oo lagu garto xaalado gaar ahaaneed ee cimilo, inta badanna ay keento janjeedhka udub dhexaadka dhulka e tub qorraxeedka iyo meereysiga dhulka ee qorraxda. Loolalka dhexe, afar xilli, oo midkiiba saddex bilood yahay, waxa guud ahaan lagu gartaa: kubbad-badhka woqooyi. Gugu waa maarso, abril iyo maajo; xagaagu waa juun, luulyo iyo agoosto; dayrta waa sebtembar, oktoobar iyo noofembar; jiilaalkuna waa diisembar, ja-naayo iyo febraayo. Kubbad-badhka koon-fureedna xilliyaddu waa lidka kuwan, gugu waa sebtembar, oktoobar iyo noofembar, iwm. Xilliyada xiddigis ahaan waxaa loo tix-geliyaa taariikho gaar ahaaneed.

nur

Qaabnax: Magac Lab ah | Masculine Noun

Macnaha:

1. 1. Xilli roobku da'o. 2. Daaq waxtar leh.

wakhti

Qaabnax: Magac Lab ah | Masculine Noun

Macnaha:

1. ld waqti.