taxan (2) 1. Wax iniino ah oo dhexda ka daloola, wax dun la iskula xiriiriyey ahaansho. 2. Tiro wax sidey isugu xigeen isu daba yaal ahaansho. ld tixan².
taxane 1. (xis.) Teed tirooyin maangal ah (ama waxyaabo kale) oo qaab laydi leh. 2. (kiim.) Urur xaddiyo ah oo u habaysan dhinac u taxyo iyo joog u taxyo si ay u sameeyaan qaab teed laydisan. Badanaaba waxa lagu dhex xiraa laba bilood ama laba sakal. Taxaneyaasha ma aha qiime tireed sida sugayaasha. Waxaa loo adeegsadaa in lagu muujiyo xiriirka ka dhexeeya xaddiyada.
taxane hiddo (baay.) Dariiqadda warka hiddo-side ee ku jira DNA-du ay ku xukunto soo saaridda borotiinno gaar u ah unugga.
taxar 1. T. ah: caano neef dhaqayo ah laga lisay. 2. T. ah: macaan la'aan; kharaar.
taxasho eeg taxo.
taxliil (1) Qaab loo raadiyo xallinta mas'alo (xisaab iwm).
taxliil (2) ld tahliil.
taxliili ld tahliili.
taxliilin ld tahliilin.
taxmid eeg taxan¹. ld tixmid.
taxnaan eeg taxan². ld taxnaansho, tixnaan, tixnaansho.
taxnaansho ld taxnaan.
taxo Wax iniino ah, dhexda ka daloola dun iskula xiriirasho.
taxooran 1. Qof dadka kala ka soocan ahaansho. 2. Ku t.: qof wax caan ku ah ahaansho.
taxow 1. Fardaha jare ku wadid ama ku garqaadid, iyadoo la soconayo, la lugaynayo. 2. Qof xoog ku wadid.
taxriif Wax siduu ahaa mooyee si kale loo fasiro.
taxriifi Wax siduu ahaa si kadduwan u fasirid.
taxriifin eeg taxriifi.
tay ld tayda².
tayaago ld tannaagood.
tayaagoo ld tannaagoo.
tayaagood ld tannaagood.
tayaaqoo ld tannaagoo.
tayaaqood ld tannaagood.
tayada ld tayo².
tayda (1) (Kuweyga, w) Magacuyaal lahaansho oo tilmaamaya wax anigu (qofka koowaad ee kelida ah ee hadlaha ah) aan leeyahay. Tus. “Taydu waay caddahay”.
tayda (2) Dibkabe tlmaamaya wax keli ah oo dheddig, kolka qofka lihii sheegayo inuu leeyahay. Tus. “Nin baa hortayda taagan”. ld tay.
tayfuun (c.cimi.) Duufaanka kulaalayda ee badaha shiinaha.
tayga (juqr.) Dhulka kaymaha caleen irbadleyda Siberiya, xadka waqooyiga tunduraha aad u qabow ee aan dhirta lahayn, koonfurtana istebiska. Noocyada dhirta ee ugu muhiimsanina waa “pine, fir, spruce iyo larch”. Waxay ka koobantahay meelo badan oo dhasheeg ah, waqtiga gu'gana dhulka intiisa badan waxa fatihiya biyo ka yimaadda wabiyada oogada sare ee woqooyi xiga kuwaas oo dacalladdooda hoose weli sarafyihiin.
tayiiso Karti; awood.
<< < 1425 1426 1427 1428 1429 1430 1431 1432 1433 1434 1435 > >>
