khudrad
(Magac Dheddig Urur | Noun Feminine Collective)Dhir yaryar oo ka kooban ubax, caleemo iyo xididdo oo dadku cuno, cuntadana ku darsado. ld khudaar.
Erey(o) la macne ah ereygan ama xiriir la leh khudrad ↴
barraajis [m.dh]
1. Geed caleemo balballaaran iyo miro la cuno leh oo dhulka ku faafa. 2. Geed dhulka ku faafa,leh laamo dhaadheer oo jilicsan, caleemo balballaaran oo khudrad ahaan loo cuno.
cagcagaar [Magac Lab Urur | Noun Masculine Collective]
Qudaar; khudrad.
cunto-sumow [m.l]
(daaw.) Xaalad cudur oo saameysa qaybta dheefshiidka gaar ahaan iyo jirka oo dhan, waxaana keena cunitaanka cunno faasid ah oo wadata baktiiriya ama sun baktiiriya, ama sunta lagu laayo xasharaadka miraha iyo khudradda, amase sun kiimikaad: Pb, Hg (merkuuriyada). Astaamo: 1-24 saacadood kaddib markii la cunay cuntadii sumeysnayd waxaa la isku arkayaa: matag, shuban, calool xanuun iyo lallabo.
dallac [m.l]
1. Khudrad, hilib, dufan iwm oo la isku shiiqay. 2. ld dallicid.
dallac [Fal Gudbe/Magudbe1 | Verb Transitive/Intransitive1] (-cay, -cday; -lici)
1. (f.g) Khudrad, hilib, dufan iwm isku shiilid. 2. (f.mg) Dallacaad helid (qof).
khudaar [m.dh]
ld khudrad.
miige [m.l] (-gayaal, m.l/dh)
1. Qori ama bir af dhuuban oo dhulbeereedka lagu mudmudo si abuurka loogu rido. 2. Kar bir ah oo khudraddo iwm lagu shiido. ld miigo¹.
moos [m.l] (-sas, m.l/-syo, m.l)
1. (bot.) Geed tallaal, caleemo balballaaran dhaadheer, oo waxyaabo badan laga wershedeeyo leh, oo miro macaan oo khudrad ahaan loo cuno leh. 2. (bot.) Miro dhaardheer oo dhumuc leh oo soo godgodan oo si qurux badan cuntub ugu baxa; midabkoodu, kolkay bisladaan, waa cawl dahabka u eg, aadna waa u macaanyihiin. ld muus¹ (2).
qudrad [m.dh]
1. Awood; tamar. 2. ld khudrad.
