seer

(m.l)

1. Laba dal oo isku qabsan ama gobollo, beero iwm xarriiqda u dhexeysa oo qaybisa. 2. Falka la sameeyo, marka qof saar ama Boorane laga saarayo (tumayo).

seer

(Fal Gudbe1 | Verb Transitive1) (-ray, -rtay)

1. Laba dal oo isku qabsan ama gobollo, beero iwm xarriiq kala qaybisa u samayn. 2. Cid mingis, boorane iwm ka muddeyn. ld seeree.

Erey(o) la macne ah ereygan ama xiriir la leh seer ↴

abaaseere [m.l]
Qof madax ka ah goobta booranaha ama mingiska lagu tumo. ld abbaseere.

abbaseere [m.l] (-rayaal, m.l/dh)
ld abaaseere.

antaro [m.dh] (-ooyin, m.l)
Xad; seere; sohdin.

dareerka dhiigga [m.l] (c.nafl)
Milanka ka soo hara markuu dhiig xargago. Seeramku waxay u dhigantaa balasmada, laakiin waxa ka maqan borotein la yiraahdo fibrinogen iyo walax kale oo hab hawleedka xargagidda loo isticmaalay.

digniin kamadambeys ah [m.dh]
(siyaa.) Xagga qawaaniinta caalamiga, waa shuruudaha ugu dambeeya wada hadal, ku gacan seeriddiisuna ay keento joojin wada xaajoodka socday ama ku dhaqaaqid awood wax ku xallin.

hadhaaseera [m.dh]
Dumarka xadrada saarka Booranaha ugu sarreeya ama heerka labaad kaga jira.

qaran [m.l] (-ammo/-nno, m.dh)
1. Dad ay ka dhexeyso qawaaniin iyo maamul siyaasadeed oo leh seere ama xad adduunyadu aqoonsan tahay iyo calan u gaar ah. 2. Usha balka galleyda ama meseggada.

saranseer [m.l]
Dhibaato ka timid arrimo isdaba joog ah oo waxyeello leh.

saranseer [Fal Gudbe1 | Verb Transitive1] (-ray, -rtay)
Dhibaato weyn oo arrimo isbada joog ah ka dhalatay la kulmid.

saranseerid [m.f.dh]
eeg saranseer².

se [Xiriiriye | Conjunction]
Erey kala xiriir fura laba tixood, wuxuuna gadaal uga nudmi karaa xiriiriyaal kale sida “amase”, “laakiinse”, iwm. Tus. “Adigu bax aniguse waan joogayaa”.