tartiib
(m.dh)Degdeg la'aan.
Erey(o) la macne ah ereygan ama xiriir la leh tartiib ↴
aal [m.dh.fk]
Aashay, -aa, -iis iwm: si aan degdeg iyo fudayd toona ku jirin; aayar, tartiib, qunyar. Tusaale. “Ciise aashiis buu hadlaa”. aayar, tartiib, qunyar
ibagujee [Fal Gudbe2 | Verb Transitive2] (-jeeyay, -jeysay)
Hal irmaan si ay u godlato naasaha si tartiib ah uga salaaxid.
daaddihi [Fal Gudbe2 | Verb Transitive2] (-iyay, -isay)
1. Ilmo yar socod barid. 2. Wax si tartiib ah u wadid.
udullubi [Fal Gudbe2 | Verb Transitive2] (-iyay, -isay)
Nafley jirran si tartiib ah u wadid.
adaddaah [Fal Magudbe1 | Verb Intransitive1] (-hay, -hday)
1. Madaxwareer yar. 2. Jirro muddo lala jiifey si tartiib ah uga bogsasho.
baraf-durduro [m.l]
(juqr.) Cuf baraf ah oo si tartiib ah hoos ugu dhaqaaqaya waadi dhexdiis, isagoo ka soo dhaqaaqaya meesha sare ee barafku ku samaysmay una socda xagga badda, waxa jiidayana waa xoogga cufisjiidadka.
daaro [Fal Gudbe3 | Verb Transitive3] (-rtay, -ratay)
1. Wax shidasho (dab, nal, raadiyo,telefishan iwm). 2. Qof tartiib u taabasho.
dabaggur [Fal Gudbe1 | Verb Transitive1] (-ray, -rtay)
1. Qof dumar ah oo hurdaysa si tartiib ah marada uga qaadid si looga macsiyaysto. 2. Cad yar oo maro ah oo surwaal iwm gadaal looga kabo meel faddhacday.
dhabaandhaw [Fal Gudbe1 | Verb Transitive1] (-dhebay, -dhawday; -dhebi)
1. Ilmo la seexinayo, si tartiib ah oo aan kala go'lahayn gacanta ugu garaacid. 2. Haldal guubaabo ah oo si is daba joog ah cid loogu yiraashdo.
dhirindhiri [Fal Gudbe2 | Verb Transitive2] (-iyay, -isay)
1. Meel qodaxi ku jirto si tartiib ah uga saarid. 2. Arrin si siyaasad iyo degganaan leh ciriir uga saarid.
