codayn eeg codee.
codbaahiye Qalab elegtaroonig ah oo codka dheereeya.
codbixi Wax la dooranaayo cod ka dhiibasho.
codbixin eeg codbixi. ld codbixis.
codbixis Dhiibashada cod laga dhiibto wax la dooranayo. ld codbixin.
codcod Subag sixin ah oo fariistay.
codee 1. U c.: cid la dooranayo cod siin. 2. Ku c.: eray kor u akhriyid si loo maqlo. 3. Wax heesid; wax halaburid.
codeyn (c.af) Laan ka mid ah cilmiga afka oo la xiriira dhawaaqyada ereyada.
codkac (c.af) Cod dheer oo ku dul dhaca hal shaqal oo ka mid ah ereyga; codkacu rugo kala duwan ayuu ereyada uga dhacaa, taasna waxay keentaa in lagu kala saaro ereyo micnahooda, siiba kuwa qoraalkoodu isku midka yahay, sida “ìnan” (oo wiil ah) iyo “inàn” (oo gabar ah).
codkar C. ah: qof hadalkiisu fasiix yahay oo figraddiisa si fiican u jeedin kara.
codkarnimo Codkar ahaansho.
codlaawe (c.af) Xaraf marka lagu dhawaaqayo aan afka dabayli ka soo baxayn.
codle (c.af) Xaraf marka lagu dhawaaqayo dabayl xoog lihi afka ka soo baxdo.
codo Wax si xushmad iyo qaddarin leh u weyddiisasho.
codsad ld codsasho.
codsasho eeg codso. ld codsad, codsi.
codsi Si xushmad iyo qaddarin leh oo cid wax loo weyddiisto. ld codsasho.
codso Wax si xushmad iyo qaddarin leh u weyddiisasho.
cokad ld cukad.
cokadayn ld cukadayn.
cokadee ld cukadee.
cokan ld cukan.
cokanaan ld cukanaan.
cokanaansho ld cukanaan.
col 1. (u) Koox dad ah oo hubeysan. 2. Laba qof ama ka badan oo isu haya dareen nacayb iyo isdiidmo ku jiro. 3. (u) Koox dad ah oo shaqo ka dhexeysa.
colaad Dareen nacayb iyo isdiidmo ku jira oo laba qof ama ka badan isu hayaan.
colaadi Cid cadaad u hayn.
colaadin eeg colaadi. ld colaadis.
colaadis ld colaadin.
coldhob ld collob.
page : 81 of 95
<< < 76 77 78 79 80 81 82 83 84 85 86 > >>
