jahaysnaansho ld jahaysnaan.
jahayso 1. Doc aadid. 2. Qof dhimasho. ld jihayso.
jahee Qof jaho aadsiin. ld jihee.
jahli Aqoon la'aan.
jaho1 1. ld jiho 1. Afarta qiblo midkood. 2. Doc; gees; dhinac. jaho2 1. ld jiho 2: wax uun ku dhaqaaqid. 2. Xanuun la ledi waayid. jajab1 1. Xanuun murqaha ku dhaca. 2. Dhacaan cayayaanka qaarkood ka yimaada oo markuu jirka gaaro lagu xajiimoodo. 3. Wax burburay gobol ka mid ah. 4. Dildillaac ku dhaca oogada siiba bishimaha iyo cagaha oo qabowga badani keeno. 5. Lacagta inteeda aan xaashida ahayn. 6. Dahab aan saafi ahayn. jajab2 (xis.) Tiro aan hal dhammayn, oo la qaybiyey midkeed. jajab-caadi (xis.) Jajabka sarreyehiisa iyo hooseeyehiisuba ay yihiin abyooneyaal, waa tiro u qoran qayb ahaan sida a, a waa sarreeye, b-na waa hooseeye. Waxa kale oo lagu magacaabaa jajab fudud.
jajabe (c.nafl.) Cayayaan u eg ukun yar, cad, leh qodxo yaryar soo taagtaagan oo qofkii ay ku jabto gaarsiisa dhibaato.
jajabow Xanuun qabatin yaryar leh oo ku dhaca haweenka uurka leh marka sidkoodu soo dhowaado.
jajuub1 Qasbidda qof wax uusan raali ka ahayn lagu sandulleeyo. ld jujuub¹. jajuub2 Qof wax uusan raali ka ahayn ku sandullayn. ld jujuub². jajuubid eeg jajuub². ld jujuubid.
jakac Nooc ka mid ah xaskusha.
jal1 1. ld jaq 1. Caano yar oo ilmaha yaryar la siiyo. 2. J. ah: cunug aan si fiican u korin nafaqo yari darteed. 3. Dabbidka yar ee la siiyo qof aad u jirran; jeenan. jal2 Carruur nafaqo xumo darteed la caatoobid. jala' Eray uu ku dhawaaqo qof leh xilladda ciyaar dubnadeed oo aan haysan dhagax uu geliyo; mahayo.
jalaabuud Magacyada derejooyinka daraawiishitii Sayid Max'd Cabdulle Xasan mid ka mid ah.
jalaal1 1. Ganaax lagu xukumo qof dembi yar galay. 2. Kitaab Quraan ah sharrax leh. jalaal2 Cid dembi gashay ganaaxid. jalaalaq Dhaca labaad ee meel hore loo dhacay lagu sameeyo.
jalaalaqayn eeg jalaalaqee.
jalaalaqee Meel hore loo dhacay mar labaad dhicid.
jalaalaqo Hantida laga helo meel hore loo dhacay.
jalaalid eeg jalaal².
jalaato Waxyaabo macmacaan oo laysku daray oo inta la qaboojiyo markay fariistaan la muudmuudsado ama la leefleefo.
jalabbutayn eeg jalabbutee.
jalabbute 1. Shir aan la fadhin ee dadku yoobsanyihiin. 2. Socod raaxaysi iyo majabaxsi looga jeedo oo hadba meel la habshahabsheeyo. 3. Ciyaar socod iyo boodbood leh.
jalabbutee Jalaabu-te samayn.
page : 10 of 53
<< < 5 6 7 8 9 10 11 12 13 14 15 > >>
