Ereyga Maanta: korsiin

yaanbo  1. Bir xalleefsan oo af ballaaran iyo daab leh oo beeraha lagu falo. 2. Bir af ballaaran oo godan leh oo ay cagafcagaftu beeraha ku fasho.

yaanyo  (bot.) Miro guduudan ama cillaan xigeen ah oo la cuno iyagoo ceerin ama bisil; inta badan iidaankaa lagu daraa.

yaanyuur  basho; bisad; dinnad; dummad; mukulaal;

yaaq  (bot.) Geed dheer oo aad iyo aad u sal iyo jirrid iyo dhex weyn: mayraxdiisa waxaa laga sameeyaa xargo iyo waxyaalo kale; mirihiisu waxay leeyihiin qaabka qulucda, buruq la cunana waa leeyihiin.

yaaqil  Shilin yar oo markaa ugaxnimadii ka soo baxday.

yaaquud  Nooc ka mid ah dhagxaanta qaaliga ah oo dhawr midab oo kala duwan u sii kala baxa.

yaar1  ld jaar(2).

yaar2  Koor carrabbadeeda isku xirid si aanay u shanqarin.

yaardi  Halbeeg dhererka lagu cabbiro oo habka ingiriiska ah oo u dhigma 0.914 mitir (Meter).

yaare  1. Xilli ka mid ah xilliyada sannadka
soomaalida oo roobab ka da’aan xeebaha
bari. 2. Dhaxanta roobku keeno.

yaarid  eeg yaar².

yaasiinmaddoone  eeg Marsoobax.

yaaw  Leber laba loo dhigay middood.

yabaal1  1. Dhirta magoolkeeda. 2. ld yabaalid.

yabaal2  Magoolid (geed).

yabaalid  eeg yabaal². ld yabaal¹ (2).

yabaaq  ld yabaq¹.

yabadhaalo  Carruurta ay dhasho haweeney minyaro ah.

yabaq1  Hadal iyo dhawaaq dad meel durugsan ka yeeraya. ld jabaq¹, yabaaq.

yabaq2  Dad ama nafley meel fog ka buuqid. ld jabaq².

yabar  Xoolaha ugu horreeya oo la siiyo arooska.

yabarayn  eeg yabaree.

yabaree  Ka y.: cid mingis, rooxaan iwm ka muddeyn (ka tumid).

yabaro  Waxyaalo dadka wadaaddada qaba loo sameeyo, waxayna u dhexaysaa “saagootiga” iyo “ruqsada” (wadaaddo; fiqibburaale).

yablas1  Qaylo badan.

yablas2  Qaylo badan samayn.

yablasid  eeg yablas².

yabooh1  1. Dadka cayrta ah, baryada ay wax ku weyddiistaan; waxa kolkay yaboohsadaan la siiyo. 2. ld yaboohid.

yabooh2  1. Ka y.: baadi meel shir ah ka naadin. 2. U y.: cid, cid kale taageero u weyddiin.

yaboohi  1. Baadi la hayo shir ka baafin. 2. Yabooh weyddiin.


page : 2 of 12
< 1 2 3 4 5 6 7 > >>